قبل الغـروب الامـس فـي نايفـة عـود=الرجـم الاسمـى بيـن هـاك الضلوعـي
تهزنـي الذكـرى وفـي داخلـي رعــود=ذكـرى وفرحـه تمازجـت فـي دموعـي
أذكـر زمـان فـات مـا ظـنـه يـعـود=بيـن المراعـي وحـول ذيـك الربوعـي
أيـام كانـت الـعـرب نـخـوه وجــود=سلـوم المعـالـي وسـمـو الطبـوعـي
مثل المشـط لابـه نقـوص ( ن ) ولا زود=اخــوان فــي ميلاتـهـا والسنـوعـي
قاضيهـم العـارف وشايـرهـم الـعـود=اللـي خـذت منـه السنيـن الهجـوعـي
لا راس مـال ولا مـصـارف ولا سـنـود=مـا بـه مكابـر ولا غنـي ولا طموعـي
الـزاد واحــد وطيبـهـم أزرق الـعـود=وملبوسهـم لبـس التـقـى والـوروعـي
روس ( ن ) تساوت في منيف ( ن ) له ينود=ثـهـلان وريــده وجــل الـربـوعـي
ليل الفـرح فرحـه وفـي الكربـه نجـود=غوث الضعيـف وفـي المعـارك دروعـي
ذرا الرجـال فـي كـل ضيقـه ومنـكـود=مسهليـن صـعـاب ســود الطلـوعـي
بنـو ديـار وقومـوا منحـنـى وهــود=وليَـنـوا صــم الجـبـال الـفـروعـي
لا مكينـه المـانـي ولا تكـنـك يـهـود=بعزومهـم خـلـوا العصـيـات طـوعـي
ولي مـع حرايرههـن سويعـات وحـدود=علوم ( ن ) تسر من هو للمشارف طموعي
محيـلات الـحـزن والكـربـه سـعـود=امهـات الحسـن مــن كــل نـوعـي
مقربـيـن الــزاد شـبـابـة الـعــود=مكـرِّمـات رجـالـهـن بالسـمـوعـي
مـن فكـة الفجـر مالهـن حـزة قعـود=بيـن الغنـم وبيـن جَـنـي الـزروعـي
ومـن الغـروب تلقاهـن ركـوع وهجـود=لاتابعـوا تـي فـي ولااغانـي دلـوعـي
لامـيــك اب ولا ديكـريـشـن ولاورود=الـورد مـن الريحـان والعقـل مـوعـي
انـا اشهـد انهـن بهجـة العـز والجـود=ماغيرهـم كانـوا نسـا كــان تـوعـي
الله أكـبـر قلتـهـا وقلـبـي وجـــود=لذيـك الليـالـي والعـلـوم الرفـوعـي
ليـت الزمـن يرجـع وياليـتـه يـعـود=أقولـهـا ويالـيـت مـاهـي سمـوعـي
وصلوا على أحمد عـد مـا زامـت رعـود=وعـداد مـا بانـت شمـوس الطلـوعـي
عود : جبل شرق جبل اثرب
الإهداءات
اهداء لرجال ونساء زمان فات
العرض العادي
