قصيدة العروس للشاعر ناصر القحطاني

قصيدة العروس للشاعر ناصر القحطاني

أحب أن أعرض عليكم هذه القصيدة وهي إحدى قصائد الشاعر ناصر القحطاني
هذا الشاعر تعجبني كلماته كثيرا فلا أكاد أمل من قراءتها أو سماعها
قصيدة( العروس) للشاعر ناصر القحطاني
خوية درب عمري ما خذاني دونها النسيـــــــــــــــــــان
وانا ياهل الملامة ما رغبت العيش وحدانــــــــــــــــــي
أبي لي مهرة(ن) ما عسفت صغيرة وبنت حصـــــــــان
ابوها اللي يفك المشكلة ويزبّن الجانــــــــــــــــــــــــي
واخوها لا تعزوى باسمها فزوا لها العربـــــــــــــــــان
يحق لها الفخر في قول آل فلان جدانـــــــــــــــــــــــي
أبيها في بحر عشرين لا زود(ن) ولا نقصــــــــــــــــان
أبيها أقصر طويلة والوصوف أشكال والوانــــــــــــي
أبي الجبهة كما الصبح وكما القوس أسود الحجـــــان
أبيها ناعسات ونرجسية سود الاعيانــــــــــــــــــــــــي
أبي رمش(ن) كما ريش(ن) يغطي الثلج بالاوجــــــــان
وابي جفن(ن) يشيل الرمش طربان(ن) وكسلانــــــــي
أبي خد(ن) كما ورد(ن)تنمى في طرف بستــــــــــــــان
وابي خشم(ن) صغير(ن) مثل حد السيف شامانــــــــي
أبي البسمة كما البرق وثناياها كما المرجـــــــــــــــان
وشفاها جمرتين وفمها خاتم سليمانـــــــــــــــــــــــــي
أبي شعر(ن) مثل ذيل الفرس لا طبت الميــــــــــــــدان
أو الشلال لا من بات ليلة بين الامتانـــــــــــــــــــــــي
أبي جيد(ن) سواة بريق فضة ناتق(ن) مليـــــــــــــان
وصدر(ن) كنه مراية عليها طلع رمانــــــــــــــــــــــي
أبي ظهر(ن) كما الجدول وقد(ن) مثل غصن البــــان
وخصر(ن) مثل مجدول الاعنان وجسم رويانــــــــــي
أبيها نابية ردف وبطن(ن) ظامر(ن) جوعـــــــــــــان
أبيها مدمجة ساق وقدمها لسان ثعبانــــــــــــــــــــي
أبيها بنت عز(ن) من رغدها ينعم الفستــــــــــــــــان
أبي الرقة وابي الدقة لها باطرافها شانــــــــــــــــي
أبي المشية كما اللي طالع من المعركة كسبـــــــــان
وابيها ترش مع خطواتها مسك(ن) وريحانــــــــــي
أبي صوت(ن) الا مني سمعته كن فيه الحـــــــــــان
يدغدغ مسمعي ويثير كل السحر باشجانـــــــــــــــي
أبيها حب واخلاص وهواجيس وفرح واحــــــــزان
أبيها مثل ما دكتور أهل العشق وصّانــــــــــــــــــي
أبيها لوحة(ن) ما صورتها ريشة الفنـــــــــــــــــان
أبيها جوهرة ما جابها قاصي ولا دانـــــــــــــــــــي
أبها تنتصر لي من زمان(ن) حطني نيشــــــــــــــان
وتبشر بالغلا اللي ما لفابه واحد(ن) ثانـــــــــــــــي
مهرها قلب وشعر يهز القلب والوجـــــــــــــــــــدان
وألبسها الشعر وتصبح أوزاني وقيفانـــــــــــــــــي
أبي اللي فات واللي فات صعب ومن لقى العنــوان
يرد العلم ولا اني أفضّل أبقى أعيش وحدانـــــــــــي

قصيد رائعه جدا

وفعلا لم نمل من سماعها

حتى عندما غناها الفات خالد

عبد الرحمن لاقت انتشار واسع

بين الجمهور

محصن الشمالي ..

اشكرك على الاختيار الرااااائع ...تسلم عللى القصيدة الاكثر من روعه..

تقبل تقديري...دمت بخير....

محصن الشمالي ..

اشكرك على النقل المتميز والجميل

وفعلا قصيده رائعه ونقل اروع

ولك تحياتي

اخوك المجرووووووووح

يعطيك العافيه قصيده رائعه

الله يعطيك العافية أخوي

تقبل مروري

علي أبن حازب السنحاني

العالي

محصن الشمالي

يعطيك العافية

صح لسانك وعلا شانك

عساك على القوة

تسلم يدينك ياذوق

.:. أطيب الأماني .:.

اشكرك على الاختيار الرااااائع

اخي الغالي محصن الشمالي

لأهنت بارك الله فيك